Споуловеноста го збогатуваше разумот со нови димензии

Вознесен во воскресиените на живите

Напати ја кинев облеката од себе

Се заплеткував во јазол

Се одрекував од себе,се преобразував во ништовност

Обземен ли бев од убоста на смрта

Од тоа братство во бесконечието

Каде го немаше матното минато

Ни пак исчекуваната иднина

Колку пати се надраснував себеси тогај

Осама

Не беше болештина

Или проклетија

Осама

Фанатично бегство од светот

Попарени огнени виори

Осама

Прочистение од грев

Замислено светилиште

Осама

Животворен Јуда во преширока риза

Без болскот

Ни жив ни мртов

Во осамата

Не го споменувајте

Не го сожалувајте

Го милуваат и демони и ангели

Тие небесни богови на неговиот живот.